كشف الإعلامي أحمد شوبير عن تفاصيل مفاوضات نادي الزمالك لضم ثلاثة لاعبين سبق لهم ارتداء قميص الأهلي في وقت سابق.
وقال شوبير، في تصريحات إذاعية:” معلوماتي أن الزمالك حاليًا في مفاوضات مع لاعيبة مصريين إكس الأهلي يعني إيه”.
الزمالك يفاوض ثلاثي الأهلي
وتابع:” لعبوا مع الأهلي قبل كدا، طيب مين أبرز اللاعيبة اللي الزمالك ممكن يضمهم من الأهلي ودا طبيعي”.
وواصل:” اللاعيبة هما أحمد عبدالقادر ومحمد شريف، طيب أيهما أسهل في التفاوض.، ورقيًا شريف، لأنه لاعب حر معندوش
مشكلة، ولو وافق هيمضي، لكن شريف قال لا أنا مستني ومش مستعجل، وكلامه كان واضحا أنا أولوياتي النادي الأهلي
وبالفعل الأهلي كان تواصل معاه، لكن الموضوع وقف بسبب السفر لكأس العالم، والطرفان ينتظران البطولة تخلص، دا بالنسبة لموضوع شريف”.
أزمة تواجه الزمالك في ضم أحمد عبدالقادر
وأكمل:” أحمد عبدالقادر الزمالك عايزه جدا، لعيب مهم ولعيب مراوغ وهداف، لكن لسا في وقت مع النادي الأهلي في عقده،
وهيبقي مستحيل ضمه، غير في حالة واحدة وهى إن الأهلي يبيعه، ومعرفش هل الأهلي ممكن يبيعه للزمالك وإحنا وصلنا للعقلية الاحترافية دي ولا لأ، معنديش فكرة”.
وأردف:” بالنسبة لبيرسي تاو لعيب برضه مهم بس مرتبه مع الأهلي أو قطر أو لما كان في أوروبا، كان غاليا جدا، وانتشر كلام
إن في أندية في جنوب أفريقيا كانت محتاجاه لكن أكتر أندية في المنطقة بتدفع هى الأندية المصرية، وبالتالي جنوب أفريقيا مقارنة بالأندية المصرية قليلة أو شمال أفريقيا”.
وأتم شوبير:” بيرسي تاو معندوش مشكلة طبعا لأنه في الأول وفي الآخر هو لعيب محترف، لكن أرقامه كبيرة جدا على
الزمالك، بس برضه النادي مش عايز يضم لعيبة كبيرة في السن شوية، وبالتالي فرصته قد تكون الأقل مع الزمالك مش عشان مستواه لكن زي الفلوس وزي السن”.
اقرأ أيضًا.. تفاصيل العرض الأمريكي لضم وسام أبو علي وموقف الأهلي
