كشف الإعلامي أحمد شوبير، عن شكل مسابقة الدوري المصري الجديد، موجهًا لنتقادات حادة لمجلس إدارة اتحاد الكرة برئاسة هانب أبوريدة.
وقال شوبير في تصريحات إذاعية:” اتحاد الكرة دعي الأندية لاجتماع يوم 20 من الشهر الجاري، في مقره في مشروع الهدف في أكتوبر وارسل الدعوة رسميًا”.
شوبير ينتقد اتحاد الكرة بسبب الدوري المصري
وتابع:”الاجتماع عشان شكل الدوري الجديد، طبعا أنا هنا تسائلت تنظيم الدوري دا من صلاحيات مين، الرابطة ولا الاتحاد”.
وواصل:” قالولي الرابطة، طيب دور الاتحاد ايه، هل هو اللي بينظم الدوري، فمن الذي يدعو للاجتماعات”.
وشدد شوبير:”بناء عليه بالأمس قررت الرابطة العودة الأندية ليوم 18، كلها بقا فوازير، هنرجع شغل رمضان بتاع الفوازير،
لكن المؤكد أن اجتماع الرابطة كدا كدا هيتم، الرابطة وجّهت الدعوة لـ 18 نادي”
شوبير: أحذر من كارثة في الدوري
وأردف شوبير:”بعد إذن الرابطة لو سمحتم اعملوا لائحة محترمة، وقولولنا هترجعوا الدوري 18 نادي امتا، سؤال بسيط وسهل”.
وأكمل حارس مرمي الاهلي ومنتخب مصر الأسبق”في كارثة هتحصل أنا بحذر منها وهقول وهصرخ، هو أنت بجد عايز تصعد 6 فرق، وتعمل الدوري 24 نادي، على مجموعتين”.
وأردف شوبير:”لا والله بجد، صحيح، انتوا عايزين تعملوا دا، ايون اتحاد الكرة يا عم، وعايز يعمل اوكازيون في الصعود،
يا عم أنت أصلا جاي بالتزكية ومكنش عندك انتخابات، عايز تراضي الكل ازاي”.
واختتم:”وبعدين أنت عندك مصيبة أصلًا في الاستثمار كدا، وهيكون عندك مشكلة في توزيع الأندية ومش هتعرف تستثمر بسبب تقسيم الأندية الكبيرة في المجموعات”.
اقرأ أيضًا.. 10 انجازات يحققها محمد صلاح في موسم تاريخي مع ليفربول
