كشف الإعلامي أحمد شوبير عن ملامح خطة مارسيل كولر المدير الفني للنادي الأهلي، لمواجهة صن داونز في إياب نصف نهائي دوري أبطال إفريقيا، وسعيه لتأمين بطاقة التأهل إلى المباراة النهائية.
وقال شوبير خلال برنامجه الإذاعي: إزاي بيفكر كولر في مباراة صن داونز، هشرح لكم كل الاحتمالات والخطط، ومميزات كل واحدة والمخاطر اللي فيها.
شوبير: كولر محتار في تشكيل الأهلي أمام صن داونز
وأضاف: فيه رأي بيقول إن كولر ممكن يكمل بنفس خطة مباراة الذهاب، خصوصًا إنه قدر يؤمن الدفاع وكان قريب جدًا من التسجيل في الشوط التاني، وسجل بالفعل هدفين لكن تم إلغاؤهم بداعي التسلل.
وتابع: في التشكيل ده بنشوف جراديشار وطاهر بيقودوا الهجوم، ومعاهم إمام عاشور اللي بيقدر يلعب في أي مكان بالملعب تقريبًا، وكولر ممكن يكرر نفس التشكيل.
وأشار شوبير إلى وجود طرح آخر: فيه وجهة نظر تانية بتقول إن كولر لازم يهاجم من البداية، خصوصًا إنه بيلعب على أرضه ووسط جماهيره.
شوبير: تغيير في تشكيل الأهلي أمام صن داونز
وأكمل: وبالتالي كولر ممكن يشيل واحد من الثلاثي الدفاعي، ويزود لاعب هجومي زي أشرف بن شرقي في الجناح الشمال، وطاهر في اليمين، وجراديشار كمهاجم صريح.
وأضاف: اللي بيؤيد الخطة الهجومية بيقولوا إنها هترضى الجماهير، وتدي الأهلي أفضلية هجومية واضحة، لكن برضه فيها مخاطرة دفاعية.
اقرأ أيضاً :هل يغيب أحمد عبدالقادر عن كأس العالم للأندية؟.. شوبير يكشف مفاجأة
وتابع شوبير قائلاً: مستر كولر في موقف صعب، والحيرة كبيرة في اختيارات التشكيل، فيه ناس بتقول نحتاج وسام أبو علي
عشان العرضيات وقدرته على اقتناص الفرص، وناس تانية شايفة إنه مش في أفضل حالاته ومش بيسجل، وجراديشار هو الأنسب لأنه جاهز ومتألق.
واختتم: كمان في نقاش حول الشحات ولا طاهر، خصوصًا إن حسين الشحات عنده خبرة أفريقية كبيرة، وده اللي ممكن يرجح كفته في مباريات الحسم.
اقرأ أيضاً :كولر يوجه رسالة لجماهير الأهلي قبل مواجهة صن دوانز ويتحدث عن ركلات الترجيح
