شن محمود عبدالمنعم كهربا لاعب النادي الأهلي، هجومًا على السويسري مارسيل كولر، بسبب المعاملة معه في النادي.
وقال كهربا: كلام كولر معايا مكنش مقنع، يعني كان بيقولي إتمرن كتير عشان تلعب على موديست، وأنا وقتها كنت أفضل بدنياً وفنياً لذلك كلامه ما أقنعنيش.
كهربا ينتقد كولر مدرب الأهلي
وتابع: في ظل تألق وسام أبوعلي والفريق كان بيحقق الفوز، كان من الممكن أن المدرب يديني فرصة ويلعبني ربع ساعة.
وأكمل: خاصةً إني بحب الخير لزمايلي وكان مفروض يقدرني نفسياً أكتر، ويعاملني بطريقة أفضل زي مكان بيعمل قبل وسام أبوعلي وموديست.
وعن تصريح المدرب بأنه رقم 3 في الفريق قال: كان صعب مفيش حد بيقول كده، لو عايز تقول حاجة زي كده قولي أنا، زي ما قولتلي قبل فرح شقيقتي إني رقم 3.
كهربا يكشف سبب رحيله
وواصل كهربا: مستعد أعمل أي حاجة عشان عائلتي، وكان من الصعب أن أغيب عن فرح أختي الوحيدة.
وأضاف: استأذنت من كولر وتحدث معه أنه يوجد اتنين مهاجمين غيري والفريق لن يتأثر.
وقال لي هفكر في الموضوع لكن قالي هترجع تبقى رقم 3.
اقرأ أيضاً :محمود الخطيب يخطر كولر بحسم صفقتين
وعن إعارته للاتحاد الليبي: عمري ما أمشي من الأهلي وأنا لسة موجود، والأهلي بيتي وكلمة مشيت من الأهلي دي تتعبني نفسياً وممكن أقعد شهور أتعافى بسببها
وأنا هاخرج برا عن الأهلي لمدة 6 شهور، والحياة بتلف بيا بسبب الموضوع ده.
وأتم: الأهلي كل حياتي، ومحدش يعرف مشيت ليه من الأهلي غير اللي فيها (حاجة بيني وبين النادي)”.
اقرأ أيضاً :تفاصيل موعد ومعلق مباراة بايرن ميونخ وفينورد في دوري أبطال أوروبا
