رئاسة الأهلي وانتقاد فريق الكرة.. تصريحات مثيرة من حسام غالي

كشف حسام غالي، عضو مجلس إدارة النادي الأهلي، عن موقفه من رئاسة القلعة الحمراء في الفترة القادمة، بعد تجربته في الإدارة.

وقال حسام غالي، خلال حواره مع بودكاست “G.Talks”: “ممكن أكون شايف نفسي رئيس النادي الأهلي، وممكن أحقق

حسام غالي: شايف نفسي في رئاسة الأهلي

طموح الناس اللي شايفاني رئيس النادي الأهلي، وممكن أحققلهم اللي طول عمرهم بيحلموا بيه كنادي ومبادئ النادي

وشخصية النادي وكيان النادي، عشان أنا حافظه وعارفه كويس أوي ومتربي على المبادئ”.

وتابع:” لما دخلت الإدارة وشوفت الدنيا على حقيقتها مش من بعيد زي ما كنت بلعب كورة، دلوقتي شايف الموضوع

بوضوح أكتر وبحس إني مش قادر أمسك سيف ودرع وأدخل المعركة دي حاليًا”.

حسام غالي: كنت بحارب الناس كلها والجماهير

وأردف:” طول عمري ماسك سيف ودرع من وأنا صغير لحد ما بطلت كورة، أنا كنت بحارب الناس كلهاإعلاميين وجمهور

ومدير فني مش واثق فيا، دايمًا كنت ماسك سيف ودرع وبحارب، ومخدتش استراحة المحارب، لأن بعد اعتزالي دخلت في العمل الإداري”.

وشدد:” أنا عندي الرغبة أبقى رئيس الأهلي في يوم من الأيام، بس حاليًا مش قادر أمسك سيف ودرع وأدخل المعركة دي

بعد ما شوفت وحاشة الموضوع وضخامة الموقف وتكالب بني آدمين كتير وصراعات كبيرة أوي إن هي تبقى في الحتة دي

وعندها تطلعات أو عندها غرض تدي للشخص اللي الجمهور شايف أنه ممكن يبقى رئيس النادي ويحقق طموحاتهم، تديله بالكتف أو بخنجر”.

وأردف:” البعض يحاول تشويه صورتي لأن الجمهور شايف إني ممكن أبقى رئيس النادي الأهلي، أو يخلوا الانطباع اللي متاخد عني غلط (انتوا بتفكروا غلط ده مينفعش)”.

واستكمل:” دايمًا في خناجر في الضهر بتتحط، أنا أقدر أحارب جدًا، بس هطلع حاجات سيئة جدًا، أنا مبعملش كده وعمري ما

هحارب حروب غير شريفة وغير نزيهة، أنا دايمًا حربي شريفة وش في وش، أنا بمجهودي وعرقي هاخد اللي أنا عايزه”.

وواصل:” طبعًا عندي الرغبة وعندي الحلم وعايز أحقق طموح الجمهور هو اللي شايفيني في الحتة دي، لكن حاليًا مش قادر أمسك سيف ودرع”.

وردًا على سؤال أن الاهتمام ببطولة كأس العالم للأندية بالتعاقد مع مجموعة كبيرة من اللاعبين سبب كبوة الأهلي حاليًا،

قال “.صعب أجاوب على هذا السؤال، لأني لو جاوبت عليه هيبقى انتقاد بشكل أو بأخر للسياسة اللي حصلت”.

اقرأ أيضًا.. حسام غالي ينتقد أبوتريكة ويشيد بعبدالله السعيد

واتم:” هو ده النادي الأهلي ممكن نقطع بعض في الغرف المغلقة، ولكن نطلع في الإعلام، عمرنا ما نجرح في حد”.