أكد حسام غالي، عضو مجلس إدارة النادي الأهلي، أن محمد أبوتريكة، نجم القلعة الحمراء السابق، خسر كثيرًا بسبب توجه السياسي.
وقال حسام غالي، خلال حواره في بودكاست “G.Talks”: “محمد أبوتريكة، نجم كبير وشخصية محترمة جدًا ومؤدب، عمري ما شوفت منه حاجة وحشة في زمالتي ليه”.
حسام غالي: أبوتريكة خسر بسبب انتمائه السياسي
وتابع:” مشوفتش من أبوتريكة، حاجة وحشة غير انتمائه السياسي اللي هو خسره كتير وخسره جمهور كتير أوي من محبيه، لكن كشخصيّة عمري ما شوفت منه حاجة وحشة”.
وأردف:” حسام حسن، كان مثلي الأعلى وأنا صغير، وأنا صغير كنت مهاجم”.
وشدد:” واسمي حسام، فكان زملائي في بيلا في بعض المناسبات يطلقوا عليا حسام حسن، وصورته هو وإبراهيم حسن، في أوضتي وأنا عيل صغير”.
حسام غالي: كان نفسي عبدالله السعيد يكمل في الأهلي
وأكمل:” عبدالله السعيد، كان نفسي يكمل في الأهلي وينهي مسيرته في الأهلي، بس طبعًا في حاجات كتير بوظت الموضوع ده”.
وواصل:” عبدالله السعيد، من الشخصيات المحترمة جدًا، معملش مشكلة في النادي من اللعيبة الرحالة جدًا، رياضي بياخد
باله من نفسه وهو من الناس القليلة اللي بياخد باله من نفسه في أكل وتمرين والحياة بصفة عامة”.
واختتم غالي تصريحاته قائلا:” عبدالله السعيد، كنت بحب ألعب معاه برتاح وأنا جنبه في الملعب، كان نفسي يكمل مسيرته كلها في النادي”.
اقرأ أيضًا.. الأهلي يكشف موقف اللاعبين المصابين من مواجهة إنبي ومصير عماد النحاس
